【母親節2022】4個人寵好去處推介 即刻叫埋狗友去寵物餐廳/開Party盡情玩!

Share on facebook
Share on whatsapp
Share on twitter

母親節就快到啦!唔知大家唸好去邊度玩未呢~其實各位毛媽係煩惱緊點同自己嘅媽咪慶祝時,可能屋企嘅愛寵都好想同你一齊出去好好放鬆一下,幫盡心盡力照護好佢地嘅你慶祝架!趁著唔少活動場所同餐廳最近解封,不如即刻跟小編睇睇有咩寵物partyroom同寵物友善餐廳,可以比一家大細+人寵家庭一齊盡情享受啦~

圖片來源: | 文章:candice

母親節人寵好去處推介1. 聚萌Dogather (查看更多)

元朗出名多寵物友善場所,位於錦田大江埔238號嘅聚萌Dogather就一直深得大量寵主歡迎。聚萌係一個由資深犬隻訓練師愛心創立嘅團隊,場地入面除左有冷氣大廳、戶外花園同真草皮比狗狗們自由活動,更有專業訓犬師全程看管。各位毛爸媽絕對可以同狗狗們玩得安心又開心!

聚萌Dogather除左會提供寄宿、一般狗狗訓練、訓犬師課程等服務,大家仲可以借用場地搞寵物party!派對服務包括到會自助餐或BBQ餐,另外亦可訂購狗狗小食。而毛孩們就可以係真草地、室外千呎花園任跑唔嬲~

PARTY時間每節約為4小時,無論係10人以上定20人以上都一樣可以容納到!岩曬一班狗友約埋一齊慶祝節日~

無論係到會自助餐定BBQ餐,都有多款美食比各位寵主選擇架~有咁大個場地比毛孩自己放電,相信主人們都可以稍微休息番下啦!

【info】

聚萌Dogather

地址:八鄉大江埔238號

營業時間:Mon – Sun  10am – 6pm

電話/whatsapp查詢:9388 9783

 

母親節人寵好去處推介2. 狗奴城寨 (查看更多)

除左聚萌之外,係逢吉鄉室亦有個佔地9000呎嘅“狗奴城寨”!無敵大草地比狗狗們狂奔放電當然唔少得,如果鍾意打卡影相留念,呢度大量嘅特色霓虹燈牌打卡位就岩曬你啦!食物方面亦有多款狗狗小食選擇,全部賣相都好精緻有心機!

如果係行型格路線嘅毛孩,仲可以遊埋車河添!另外場內仲有泳池同室內冷氣,夏天黎玩都一樣無問題~

地方咁大啱曬大家一齊同狗狗去gathering,如果鍾意仲可以包場搞活動架!如有興趣,可以whatsapp佢地睇睇更多詳情~

【INFO】

狗奴城寨

地址:元朗逢吉鄉

電話查詢:95489889

 

母親節人寵好去處推介3. Classified

大時大節除左要玩餐勁,當然仲有食餐好!最近天氣轉熱,如果唔想山長水遠入到元朗,亦可以考慮去餐廳嘆好西!港島區寵物友善餐廳比較多,其中以Classified分店遍佈中上環、淺水灣、大坑、赤柱各區,隨時歡迎各位寵主同毛孩去聚腳chill一chill。

餐廳環境開揚又有情調,啱曬各位鍾意追求高生活品質嘅寵主同毛孩!

菜式方面,則有多款意粉、pizza、漢堡比大家選擇~如果你係無養狗狗嘅愛犬之人,小編就私心推介你前往PMQ附近的上環分店,因為可以隨時野生捕獲5隻經常出沒的得意柴柴!

【info】

Classified
上環分店地址: 上環荷李活道108號地舖
電話: 2525 3454

 

母親節人寵好去處推介4. HAPi

最後要介紹得是於上環開設的生活概念店HAPi!HAPi集合了cafe餐廳、時裝、生活雜貨、食品、花藝於一身,餐廳由曾任米芝蓮五星級酒店大廚主理,主打多款精緻的多國菜,同時亦是一間寵物友善餐廳!HAPi在餐桌旁設有寵物活動區,以一塊玻璃作圍欄,主人在進餐時也可讓寵物陪伴在側。

cafe環境優雅高貴,就連食物賣相也精緻到讓人捨不得吃掉!

HAPi集合shopping、飲食、花藝,各位寵主母親節時不妨去放鬆一下身心,相信和毛孩一齊,不論做什麼也一樣會感到十分快樂!

 

【info】

HAPi
地址: 上環普仁街11號2-4號地舖

Share埋比朋友啦

Share on facebook
Share on whatsapp
Share on twitter

你可能會喜歡