喺旺角要搵一間坐得舒服又歡迎狗狗嘅餐廳都唔容易，依間文青風嘅樓上cafe 地方闊落，就算同狗狗嚟都唔怕迫~
依間位於山東街嘅樓上cafe 係由一班90後開，雖然全部員工都係年輕人但都好有禮貌，食物以西式為主，人氣推介原條鰻魚漢堡配薯條，漢堡包住一整條鰻魚而薯條仲係即炸，賣相同味道都滿分，其他仲有日式鰻魚蛋包飯、卡邦尼薄餅等都值得一試，餐廳仲會不時推出期間限定飲品，最近就推出哈密瓜雪糕梳打，絕對係踢走悶熱天氣嘅首選。
Cafe 位於樓上1樓，環境闊落舒服，就算同狗狗坐都唔會好迫
食物以西式為主，小食主食甜品都有齊，選擇多元化，唔想太飽可以揀卡邦尼薄餅或者墨西哥雞肉烤餅!
餐廳資料: 90s Lazy 旺角店 地址：旺角山東街50號1/F及2/F全層 荃灣店 地址：荃灣眾安街68號荃灣千色匯3樓3012號舖 地址: 旺角山東街50號1-2樓 相片來源: @90slazyhk @udonfatgirl
