日本係好多香港人嘅鄉下，可惜帶狗狗去旅行唔容易，最好方法係搵主題特色店舖同狗狗去一次偽旅行。
最近長沙灣一間走復活風嘅日式洋食店就好受歡迎，餐廳以昭和平成時代做背景，一入舖頭有種時光倒流感覺，入面仲有好多打卡位好似汽水機、特色燈牌、街頭遊戲機擺設。餐廳分咗幾區，中間係屋台設計，後面就係摩登居酒屋風格，而且仲分開人狗區域添。
食物種類頗多，餐廳推介首創甲羅燒薄餅， 原隻甲羅燒放係自家焗嘅薄餅上，餅底香脆美味，另一推介有三黃雞香蔥炊飯，用秘製香料醃製，底部仲有微微飯焦，食完記得試埋鯛魚燒刨冰，頂層有鯛魚燒餅，下面有雪糕、綿綿冰，最啱夏天食。
餐廳門口已經充滿日本風，舖頭入面仲有多個打卡位，舖頭入面有特色燈牌、汽水機等，都係由店主親自搜羅。
首創甲羅燒薄餅， 原隻甲羅燒放係自家焗嘅薄餅上，餅底香脆可口。
炎炎夏日又點少得鯛魚燒刨冰，頂層有鯛魚燒餅，下面有雪糕、綿綿冰，消暑一流。
餐廳資料: 洋食商店Youshoku Shouten
長沙灣福榮街538號喜遇地下2號舖
相片來源: IG@bebimonster.corgi
