話咁快下星期又到中秋，要數中秋限定活動一定係元朗嘅燈籠街喇~ 其實燈籠街並唔係商場或者官方活動，只係街市入面專賣傳統手工燈籠嘅舖頭組成，因為每間舖頭都會將自己手扎嘅燈籠掛出嚟，於是就變咗一條滿色彩繽紛又掛滿唔同造型嘅燈籠街，遠遠望過去非常壯觀，影相打卡一流，而且仲有唔同造型嘅金魚、兔仔、楊桃燈籠，充滿童年回憶。不過由於燈籠街位於街市入面，人流頗多，大家影相嗰陣要留意唔好影響路人同舖頭呀~
唔同造型嘅傳統手扎燈籠，金魚、楊桃、白兔造型都充滿童年回憶。
舖頭都將自己作品掛出嚟，形成一條色彩繽紛嘅燈籠街，節日氣氛濃厚。
燈籠街位於街市入面，想影相就要揀啱時間，記得唔好影響到其他人同店舖~
📍地址:元朗大橋街街市
相片來源: @bebimonster.corgi
