【貓狗冷知識】NO~原來開冷氣毛孩都會中暑!

天氣炎熱,相信大家都會開冷氣啦~不過喺開冷氣之前,其實都有啲小地方要特別注意㗎!除咗建議冷氣嘅溫度之外,原來開冷氣都可能會令毛孩慢性中暑!咁到底開唔開冷氣好呢?一齊嚟睇下毛孩對抗夏日嘅正確方法啦~ 

 

為什麼開冷氣毛孩都有機會慢性中暑?

由於大多數毛爸媽唔會全日開冷氣,而當收工後一旦開冷氣,會讓室溫急速下降;喺溫差極大嘅轉變下,好容易令毛孩中樞神經失調,長期持續會容易造成毛孩慢性中暑㗎!所以毛爸媽應該盡量保持室溫喺23-25°C,回家後都唔好開大冷氣啊~

冷氣的正確用法

避免冷風直吹毛孩休息處

大家細細個都聽過啦~「冷氣唔好直吹頭頂,給果唔係會有頭痛」呢個道理啦!原來貓狗都係一樣㗎~ 喺開冷氣時,要盡量避免風口直接對住佢哋身上或佢哋經常休息嘅地方,避免貓狗因難以調節身體溫度​,容易造成身體不適及感冒喔!

在冷氣房為毛孩準備避風港

開冷氣嘅同時​,都唔好忘記幫毛孩準備「避風港」呀;例如毛毯毛巾等保暖用品,令毛孩喺覺得凍時都有地方可以保暖​,等貓狗可以自己調節體溫。

 

開冷氣雖然好舒服,但毛爸媽都要時刻留意毛孩嘅狀況,先可以給毛小孩一個舒服且涼浸浸嘅夏天啦~

Share埋比朋友啦

你可能會喜歡