相信唔少貓奴都有試過，主子間唔中就會爬上床同你一齊訓，或者係你工作中嘅時候，訓係你手臂或電腦附近，令你無辦法集中精神！其實主子嘅呢d舉動，全部都包含住佢對你嘅想法。尤其係訓覺嘅位置，更可以凸顯佢對妳嘅信任程度！想知道你家貓咪到底有幾相信你？今日就等小編為大家拆解下貓咪訓覺位置嘅秘密啦！
文章：candice
貓咪訓覺位置1. 衣櫃頂或其他遠離床以外的地方 – 信任度⭐
如果貓貓訓覺時總係係衣櫃頂，或其他遠離你床邊嘅位置，代表貓咪對你還沒有什麼安全感，所以需要隨時處於緊戒狀況！不過主人們都唔洗灰心，毛爸媽可以多多陪伴貓咪、同佢地互動，慢慢熟悉後情況就會有所改善啦～
貓咪訓覺位置2. 靠腳或床邊 – 信任度⭐⭐
貓貓願意訓係你床邊或腳邊，證明佢都願意同你縮短距離，變得親近！不過雖然對你有信任感，但可能仲係會因為一D因素想保持距離，例如怕比熟睡中嘅你踢到，所以先會選擇離你近但保有自己空間嘅位置🤣呢個情況可能會出現係比較反訓嘅奴才身上～
貓咪訓覺位置3. 頭的周圍 – 信任度⭐⭐⭐⭐
貓咪願意訓係你頭部附近，代表你係家人、同伴一樣嘅存在！除左可以讓佢感到安心，訓係頭頂亦能令佢地聞到主人頭髮、頭皮等等嘅氣味。咁樣有助於交換氣味同標記，亦有效令貓咪安穩咁進入夢鄉～
貓咪訓覺位置4. 身旁或懷裡 – 信任度⭐⭐⭐⭐⭐
假如你的貓貓經常同你一齊訓係床，甚至係比你保住你被窩入面熟睡……恭喜你！你嘅貓貓超級愛你啊！佢對你嘅警戒心超級小，先會願意係被窩入面同你一起訓。
當然，可能亦有另外原因係方便佢取暖🤣！
唔知大家屋企嘅主子平時鍾意訓係邊呢？今晚不如都番去同貓貓實測一下，睇下佢對你嘅態度啦～
更多貓咪冷知識：
