【SPP寵物圖鑑】百厭星 – 柴犬🐶

講到狗界嘅調皮代表除咗哈士奇,肯定就係柴犬啦🏆。而無論喺日本台灣定係香港,柴犬都係非常熱門嘅寵物之一🤗。今日小編會同大家分享一下,關於百厭星 – 柴犬嘅一啲「小秘密」~🤫想知就快啲去睇啦!

 

基本資訊

柴犬(Shiba Inu)

犬種:狩獵犬

標準體重(成年):男 – 約17-24磅;女 – 約15-20磅

毛髮:雙層毛。僵硬直立(外層)柔軟厚密(底層)

毛色:淺黃、黑色、茶色、胡麻色

特徵:短毛、豎耳、捲尾

聰明指數★★★☆☆

友善程度★★★★☆

健康管理★★★☆☆

初次飼養★★★☆☆

 

個性:固執傲嬌

柴犬天性較為大膽、獨立,同時亦有固執嘅一面。柴犬對於主人或其認可的人類較為忠誠,由於柴犬在古代是作為追緝獵物的獵犬使用,因此通常具有一定警戒心與攻擊性。而傲嬌嘅部分,偶爾會討摸,不過冇幾耐後就會發現佢哋露出「摸夠了」嘅冷淡表情,再唔係就會直接掙脫離開…真係同貓一樣非常傲嬌~

 

原來柴犬都有好多種

柴犬係日本犬嘅品種之一,而當中主要又細分成「山陰柴犬」「信州柴犬」「美濃柴犬」「繩文柴犬」「川上柴犬」一共5種。而現今常見嘅柴犬,高達99%都係為「信州柴犬」。

 

原來豆柴身世好可憐

大家知道咩係「豆柴」嗎?你係咪以為「豆柴」都係一個品種呢?其實「豆柴」都只係一個滿足人類繁殖目的嘅商業產品;原來豆柴係由柴犬當中體型較小嘅狗狗相互交配而成,用意係想將柴犬繁殖到「極細小」,就好似永遠唔會長大嘅柴犬bb。從而滿足人類嘅慾望。

以上關於柴犬嘅「小秘密」,有冇為大家長知識呢~如果仲想知道更多關於其他品種嘅「小秘密」,歡迎留言話俾我哋聽啦!

Share埋比朋友啦

你可能會喜歡