貓咪天生愛乾淨，一日入面大部分時間都會舔毛清潔，不過如果舔毛過度引致甩毛甚至禿毛就有問題喇，嚴重嘅可能係患上貓強迫症添，唔想貓咪無哂毛毛奴才就要先了解原因，從根源入手~
1️⃣壓力
貓咪天生敏感，面對陌生環境或者陌生人都會令貓咪緊張，貓咪緊張時會透過舔毛舒緩壓力，壓力愈大舔毛次數會愈多造成甩毛。
2️⃣環境
除咗壓力，家中致敏原好似花粉、灰塵或者黴菌都可能係元凶之一，奴才只要保持家居清潔盡量移走致敏原可以減輕貓咪舔毛次數。
3️⃣疾病
有時貓咪會透過舔毛減輕身體唔舒服嘅地方，如果貓咪下腹、大腿內側同尿尿嘅地方附近出現甩毛，有機會係貓咪膀胱或者尿道不適，奴才最好帶貓咪去睇醫生喇!
4️⃣食物
貓咪其實同人一樣都會對某種食物過敏而引起皮膚問題，如果奴才發現貓咪咪持續搔抓、舔患處就要留意，當中牛、魚或者雞肉都有機會引起敏感，如果有懷疑就要去睇醫生。
相片來源: 網絡圖片
