狗狗唔識講嘢，只能靠身體語言表達心情或者感受，主人要了解狗狗一定要清楚狗狗每個微小動作背後嘅意思。狗狗成日翹屁股，作為主人嘅你又知道點解嗎?
1️⃣拉伸肌肉
狗狗啱啱瞓醒或者久坐之後都會翹起屁股，通常都會拉伸雙腿，就好似伸懶腰咁，等肌肉好好伸展。
2️⃣ 問好、示好
狗狗見面通常會互相聞屁股嚟打招呼、表示友好，如果狗狗願意同對方做朋友先會比對方聞自己屁股，所以狗狗如果翹起屁股對住主人即係有示好、友好嘅意思。
3️⃣尋求關注
當狗狗覺得悶想同主人玩或者尋求關注時，都會前肢伏地、屁股高高翹起，同時都會搖尾巴，其實狗狗係想邀請主人一齊玩或者主人關注。
4️⃣準備攻擊
當狗狗生氣或者受到侵犯嘅時候，都會翹起屁股準備作出攻擊，通常狗狗仲會發出 “胡胡”聲，依個時候就要小心，唔好再激嬲狗狗喇
5️⃣生病
如果主人發現狗狗翹起屁股，加上無胃口、精神差，就有可能係肚仔唔舒服，主人要盡快帶狗狗睇醫生唔好拖，因為有機會患上嚴重嘅疾病。
相片來源: @網絡圖片
