好多人都以為狗狗側起頭可能係聽緊你講嘢，但如果狗狗行路持續咁歪埋一邊就要小心，有可能係中風嘅先兆，主人如果及早發現可以把握時機，增加狗狗的存活率，如果狗狗同時有以下徵狀，就要盡快睇醫生啦!
1️⃣歪頭或失去平衡
狗狗中風前最常見就係突然失去平衡，無法站立、單邊傾斜或者要倚靠牆壁或人，如果同時狗狗行路歪埋一邊就要小心!
2️⃣不斷繞圈圈
有啲狗狗可能未去到平衡唔到而歪埋一邊，但如果狗狗毫無目的不斷轉圈，甚至當主人叫佢嘅時候往錯誤方向行，又或者無法正常直線行走、行路時撞到物件，可能係大腦唔可以正常地向身體發出信號嘅徵兆。
3️⃣眼球異常轉動或者奇怪眼位
另一個中風先兆就係狗狗眼球震顫、異常運動、斜視或者異常眼位，例如一隻眼靜止但另一隻眼就徘徊不定，又或者兩者眼睛聚焦喺兩個不同位置，這些眼球動作意味著您應該立即尋求獸醫的幫助。
4️⃣嗜睡或昏厥
如果狗狗睇嚟比平時攰好多、嗜睡都可能同中風有關，有啲狗狗可能會突然入睡，實際上可能是狗狗中風引起的意識喪失，可以嘗試叫醒狗狗，如果無法叫醒則必須馬上就醫。
5️⃣身體失控
另一個最易忽略嘅徵兆就係狗狗會嘔吐、喘氣、腹瀉或失去膀胱控制能力，依啲睇似簡單不適，有機會因為中風導致狗狗失去對身體系統嘅控制，如果發現症狀一直持續同埋不斷加劇時，就要睇醫生。
相片來源:網絡圖片
