【無懼雪地行走 狗狗唔會凍傷 全靠中央加熱系統】

雖然香港無落雪，不過有時見到生活喺北方嘅狗狗喺雪地奔跑，除咗覺得可愛之外，相信好多人都會擔心狗狗會凍傷手腳。其實狗狗手腳自身有個恒溫裝置，即使喺雪地行路都唔會凍傷㗎! 

依個「中央加熱系統」理論已經得到日本科學家証實，狗狗手腳掌會將熱流交換，原理就係動脈血液先流到手腳末端，將靜脈血液加溫，然後再回流到心臟，依個熱傳導機能可以令手腳即使暴露喺極低溫下，也可以保持恆溫狀態而唔會凍傷㗎，所以大家見到狗狗喺雪地狂奔嘅時候，再唔需要擔心狗狗會凍親喇~ 

相片來源: 網絡圖片