雖然最近天氣非常凍，但毛孩清潔功夫點都要做，到底冬天狗狗幾耐沖一次涼🛀先啱?
唔想狗狗皮膚愈洗愈差，主人又要注意啲咩呢?
其實一般健康無皮膚病嘅狗狗，冬天建議一個月沖涼就可以，當然主人要視乎狗狗實際情況，唔沖涼嘅日子，主人記得每日幫狗狗梳理毛髮。 如果發出難聞嘅體味，沖涼次數就可能要增加喇，沖涼嘅時候主人記得注意以下幾點，幫狗狗洗出好皮膚~
1️⃣注意水溫
不論是冬天定係夏天，幫狗狗沖涼最好用30-35度嘅水溫，太熱或者太凍都會令狗狗唔舒服，太凍嘅水有機會凍親狗狗引起感冒，而過熱嘅水會破壞正常皮脂，反而引起皮膚痕癢、長皮屑、皮膚過敏等問題。
2️⃣要即時吹乾毛髮
冬天氣溫低，啱啱沖完涼嘅狗狗全身濕透，如果唔立即吹乾毛髮好易凍病，就算夏天都唔建議用自然風乾方式，因為咁做會令狗狗皮膚少了油脂保護，容易有皮膚病或者黴菌，建議主人幫狗狗沖完涼之後立即用吸水毛巾擦乾水分再徹底吹乾毛髮。
3️⃣風筒溫度
除咗水溫，主人都要留意風筒溫度，建議選擇 45-60度 風溫，同時都要留意距離，唔好將風筒放太近狗狗以免燙傷狗狗，其他容易忽略嘅部位好似耳仔、腋下，腳底，趾間都要吹乾呢!
相片來源: 網絡圖片
