冬日最啱就係進補，咁毛孩又可唔可以進補呢? 雖然天氣凍毛孩係需要多啲能量保暖，不過就唔係所有毛孩都需要進補，如果主人真係想幫毛孩加餸，建議主人揀選高蛋白質食物，不當進補可能會傷身㗎~
1️⃣羊肉
含多種蛋白質、維生素B1、B2、鐵、鈣等營養，可以增加血液循環，增強禦寒能力，最啱冬天進補。
2️⃣牛肉
牛肉脂肪少、蛋白質含量高，含有豐富維生素、礦物質、鐵等營養，對毛孩肌肉成長、骨骼發育有幫助。
3️⃣鵪鶉
蛋白質含量比雞肉更高，脂肪、膽固醇都比較低，維生素含量比雞肉高2 – 3倍，可以維持心血管和皮膚毛髮健康。
4️⃣鴨肉
鴨升鐵質含量好高，有補血作用，仲可以預防心血管、動脈、腦部疾病、降低膽固醇。低敏易吸收，好適合腸胃或者皮膚敏感嘅毛孩。
雖然依啲食物對毛孩有益，不過主人都要注意份量唔好過份餵食呀~
相片來源: 網絡圖片
