【影完聖誕裝飾又係時候影紅葉 紅葉美景又點少得毛孩?】

相信大家同毛孩影聖誕裝飾都影得七七八八,其實12月除咗聖誕裝飾仲有紅葉🍁都值得去打卡㗎。今個星期一於轉吓背景, 同毛孩一齊影紅葉🍁!元朗大棠一直係欣賞紅葉嘅熱門勝地,大棠嘅楓香樹係全港最多最密集,所以一到假期都吸引好多人嚟睇紅葉。如果怕人多,除咗大棠,都可以去城門水塘、青衣公園、香港動植物公園或者大埔烏蛟騰睇紅葉。

 

其實香港紅葉係來自楓香樹而唔係楓樹,不過兩者外形相近,而且都會喺秋天變成紅色,所以香港紅葉常被誤為是來自楓樹 。 楓香樹樹葉呈三裂形。 如果將落葉放喺手中搓揉,仲會有淡淡嘅蘋果香味。

 

 

漁護署網頁每個星期五都會更新紅葉指數,分A、B、C、D 四個等級。如果唔想白行一趟,出發前可以去漁護署網頁睇吓。 

 

 

交通方面,喺元朗朗屏站搭K66巴士或者紅Van 喺大棠山道巴士站落車再行上楓香林,大約行1個鐘就到,全程都係石屎路,就算帶住毛孩都唔洗擔心會好難行。

 

 

資料來源: https://www.afcd.gov.hk/english/index.html

相片來源: IG@scrambledan

 

 

Share埋比朋友啦

你可能會喜歡

shutterstock_1713613738_R 拷貝

Copyright © SmartPetPet

Smart Pet Pet 成立以來一直提供世界各地有用的寵物資訊,並以寵物最 Smart、有趣、可愛、治癒的一面為大眾提供正能量。 我們亦會為大家介紹及比較最新、最潮的寵物用品,讓至 Smart 的您有最佳選擇。

關於投稿內容、查詢廣告合作、分享有關毛孩的新聞稿,歡迎隨時聯絡我們!